Европа чемпионлар лигасида бугун сўнгги нимчорак финалчилар номи аниқ бўлди. "Атлетико" ўз майдонида "Байер"ни мағлуб эта олмаган бўлса-да, чорак финалга йўл олди.

Германияда бўлиб ўтган илк баҳсда Симеоне шогирдлари 4:2 ҳисобида ғалаба қозонишганди. Шу боис, "Байер" кейинги босқичга чиқиш учун 3та тўп фарқи билан зафар қучиши талаб этиларди. Аммо улар бу ишни уддалай олишмади. Ҳисоб очилмаган ўйин асосан дарвозабонларнинг сэйвлари билан ёдда қолди.

Шу тариқа, "Атлетико" Чемпионлар лигасида иштирокини чорак финалда давом эттирадиган бўлди.

ЕЧЛ, нимчорак финал, жавоб ўйини
Атлетико Испания – Байер Германия 0:0
Атлетико – Облак, Хименес, Люка Эрнандес, Врсалько, Годин, Феррейра Карраско (Савич, 71), Коке, Корреа (Гайтан, 65), Сауль, Гризманн, Парти.
Байер – Лено, Едвай, Венделл, Хильберт, Драгович, Бельараби, Баумгартлингер, Кампль, Брандт (Бэйли, 78), Эрнандес (Мехмеди, 81), Фолланд (Арангис, 88).
Огоҳлантиришлар: Едвай (64), Хименес (66), Баумгартлингер (71), Гайтан (89).
Биринчи ўйин: 4:2