«Барселона» ва Бразилия терма жамоаси собиқ футболчиси Роналдиньо ватандоши Неймарнинг ўйинига юқори баҳо берди:

«Неймар — менинг яқин дўстим. Бугунги кунда у Бразилиядаги барчанинг кумири ҳисобланади. У ҳозирданоқ Роналду ва Месси даражасига чиқди. Қачондир у "Олтин тўп"ни қўлга киритишига чин дилдан умид қиламиз. Лекин у ҳозир энг кучлилар қаторида турибди. Қолгани вақтга боғлиқ масала».

Эслатиб ўтамиз, Неймар «Барселона»даги голлари бўйича Роналдиньодан ўзиб кетди.