Бугун Европа лигасининг нимчоракфиналидан ўрин олган "Манчестер Юнайтед" – "Ростов" ўйини ўтказилади.
16 март 2017-йил. Манчестер.“Олд Траффорд” стадиони.
“Манчестер Юнайтед” - “Ростов”
Ҳакам: Гедиминас Мажейка (Литва)
Биринчи ўйин: 1-1
Манчестер Юнайтед жамоаси мазкур баҳсга ўз елкасида Англия Кубогидаги мағлубият юки билан ташриф буюрмоқда. Ушбу мағлубиятдан сўнг Жозе Моуринё шогирдларида бу мавсум қўлга киритилиши мумкин бўлган фақат битта Европа Лигаси кубоги қолди. Аслида манкунянликлар мазкур соврин ишқида ёнаётганлари йўқ лекин кейинги мавсум ЕЧЛда иштирок этиш учун бу соврин уларга керак. Айни шу сабаб бугун улар чорак финалга чиқиш учун бор имкониятларини ишга солишади. Тўғри кадрлар борасида жиддий муаммолар бор. Руни ва Марсял жароҳат олишган. Лекин Ибраҳимович бугун майдонга туша олади. Унга берилган дисквалификация еврокубокларга таъсир кўрсатмайди. Кўплаб мутахассислар “Манчестер Юнайтед”га ЕЛнинг қизиғи йўқ деб фикр юритишмоқда, лекин шонли тарихга эга бўлган жамоа учун “қайтиш мавсуми” Лига Кубоги ва Европа Лигаси Кубоги билан бошланши ҳам ёмон старт бўлмасди.
Рус клуби биринчи учрашувда ўз рақиби билан дурранг қайд этиб кичик бир мўъжиза ярата олди. Лекин бугун Ростовга сафар баҳси осон ўтмаслиги аниқ. Сабаби, бугун уларга Англиянинг энг номдор жамоаси рақиб бўлмоқда. Устига устак бугун жамоа етакчилари сариқ карточкалар меъёридан кўпайиб кетгани сабаб ўз жамоларига ёрдам бера олишмайди. Улар жамоа сардори Гатскан ва ҳимоячи Калачёв. Бугунги баҳс қандай якунланишидан қатъий назар бу мавсумни “Ростов” учун омадли ўтди дейиш мумкин. ЕЧЛдаги ғалабалар ва албатта, кимсан “Бавария”нинг таслим этилиши нафақат мазкур жамоанинг балки бутун рус футбол оламининг йодидан узоқ муддатгача кўтарилмаслиги аниқ. Бугунги учрашувга манкунянликлар энг оптимал ҳолатда етиб келмаётганини инобатга олсак бу рус клубига бироз имкон яратиши мумкин.
