«Реал»нинг афсонаси Рауль ҳужумчи Криштиану Роналдунинг ўйинидаги ўзгаришлар ҳақида гапирди.
«Ҳозир Роналду рақиб дарвозасига яқинроқ ўйнамоқда, бу эса мураккаброқ. Ҳа у ўз тезлигини йўқотди, аммо ёшини инобатга оладиган бўлсак, бу табиий ҳол. Лекин Криштиану иштиёқини сақлаб қолди. Бундан ташқари у рақибини яккама-якка вазиятларда камроқ алдаб ўтмоқда.
Ўтган йили у дунёда тенгсиз бўлганди, ҳозир ҳам яхши мавсумни ўтказмоқда. Мавсум охирида эса ундан ажойиб ўйинни кутмоқдаман.
Месси ёки Роналду? Иккаласи ҳам менга ёқади. Аммо Роналду ҳар мавсумда 50та гол урмоқда. Бу катта шараф» - деди Рауль AS хабарида.
