"Шўртан" - "Машъал" (0:2) учрашувидан сўнг меҳмонлар устози Александр Хомяков ўз фикрларини билдирди.
"Қизиқарли ўйин бўлди. Биз "Шўртан"нинг кучли ва кучсиз томонларини жуда яхши билардик. Биринчи таймда иккита гол ура олдик. Албатта, Қўзибоевнинг четлатилиши бизга қийинчилик туғдирди. Аммо йигитларга раҳмат ғалабани сақлаб қолишди. Натижадан қониқдим. Шунингдек, Ўзбекистон халқини Наврўз байрами билан табриклайман.
"Шўртан" сафида тажрибали футболчилар кўпчиликни ташкил қилади. Биз бугунги баҳсга ёшларимизнинг чаққонлигига кўпроқ эътибор қаратишга қарор қилдик ва бу самара берди", - дейди Хомяков.
