"Бухоро" - "Обод" (0:1) учрашувидан сўнг меҳмонлар жамоа бошлиғи Фарҳод Сафаров ўз фикрларини билдирди.
"Бу спорт, ғалаба ўз ўзидан бўлмайди. Жуда қийин ўйинда 3 очкога эга чиқдик. "Обод"нинг мавсумдаги биринчи ғалабаси бўлди.
"Обод" ўзбек футболидаги биринчи хусусий клублардан бири ҳисобланади. Мақсадимиз Олий лигада муносиб иштирок этиш.
"Бухоро" жамоасини жуда яхши биламан. Январь ойида бу клуб бизнинг стадионимизда машғулотлар ўтказди. Аммо клубда кескин ўзгаришлар юз берди ва мураббийлар алмашди. Жамоа энди шаклланмоқда. Мавсум боши барча учун оғир келишини билардик", - дейди Фарҳод Сафаров.
