"Барселона" ҳимоячиси Херард Пике Испания чемпионатининг 28-турида "Валенсия" устидан қозонилган ғалабадан сўнг (4:2) мулисларнинг ҳуштакбозлигига учраган жамоадоши Андре Гомешнинг тарафини олди.
Португалиялик яримҳимоячи 74-дақиқада майдонга тушди, каталонияликларнинг айрим мухлислари эса унга ҳуштакбозлик қилишди.
"Бунга йўл қўйиб бўлмайди. Мухислар футболчининг ёмон ўйинига норозилик билдиришлари бошқа, аммо ҳали ўйин бошламган ўйинчига ғуштак чалишганлари ортиқча. Тўп ҳали оёғига тегмаган футболчига ҳуштак чаладаиган ишқибозлар уйда қолишлари керак. Бу муносабат футболчида ўзига бўлган ишончни йўқотади", - дейди Пике.
Андре Гомеш "Барса" мухисларининг ҳақоратига биринчи марта учрамаяпти. "Валенсия" билан учрашувнинг 89-дақиқасида у гол уришга мувафффақ бўлди.
