«Барселона» раҳбарияти келаси мавсумда жамоанинг ҳужум чизиғи кучайтиришни мақсад қилган.
Маълумотларга қараганда, каталонияликлар «Атлетико» ҳужумчиси Антуан Гризманн ва «Ювентус» форварди Пауло Дибалага қизиқиш билдиришмоқда. "Кўк-анорранглилар" ёзги трансфер пайтида мазкур икки футболчидан бирини қўлга киритишмоқчи.
Гризманн Испания чемпионатининг ушбу мавсумида 27та ўйинда майдонга тушиб, уларда 14та гол урди. Унинг трансфери нархи 80 миллион еврога баҳоланмоқда.
Дибала эса Италия А сериясининг 22та ўйинида иштирок этиб, уларда 8та гол урди. Унинг трансфери 45 миллион еврога тенг.