"Ювентус" яримҳимоячиси Миралем Пьянич ЕЧЛ чорак финалида "Барселона"га қарши учрашувлар олдидан фикрлари билан ўртоқлашди.
"Бизга "Барселона" тушгани муносабати билан ҳеч қандай ўзгача ҳаяжонни ҳис қилмадик. Биз чемпионлар лигасини ютишни истаймиз, шунинг учун дунёнинг энг яхши клубларидан бирини ютишдан бошқа чорамиз йўқ. "Барселона" фаворитлардан бири, аммо биз бу мавсумда мусобақада ғолиб чиқмоқчимиз.
"Барселона"ни ҳурмат қиламиз, аммо уларга муаммо яратиш ва мағлуб этиш йўлларини топамиз. Ўйлайманки, улар бошқа рақиб тушишини истаганлар. Ҳамма чорак финалда ўйнашга муносиб", - дейди Пьянич.
"Ювентус" - "Барселона" учрашуви 11 апрель куни, жавоб учрашуви эса - 19 апрель куни бўлиб ўтади.
