"Yuventus" yarimhimoyachisi Miralem Pyanich YECHL chorak finalida "Barselona"ga qarshi uchrashuvlar oldidan fikrlari bilan o‘rtoqlashdi.

"Bizga "Barselona" tushgani munosabati bilan hech qanday o‘zgacha hayajonni his qilmadik. Biz chempionlar ligasini yutishni istaymiz, shuning uchun dunyoning eng yaxshi klublaridan birini yutishdan boshqa choramiz yo‘q. "Barselona" favoritlardan biri, ammo biz bu mavsumda musobaqada g‘olib chiqmoqchimiz.

"Barselona"ni hurmat qilamiz, ammo ularga muammo yaratish va mag‘lub etish yo‘llarini topamiz. O‘ylaymanki, ular boshqa raqib tushishini istaganlar. Hamma chorak finalda o‘ynashga munosib", - deydi Pyanich.

"Yuventus" - "Barselona" uchrashuvi 11 aprel kuni, javob uchrashuvi esa - 19 aprel kuni bo‘lib o‘tadi.