"Ювентус" ҳужумчиси Пуалу Дибала мавсум якунида Испаниянинг гранд жамоаларидан бирига ўтиши мумкин.
Аргентиналик футболчи "Реал" президенти Флорентино Перес билан оғзаки келишувга эришган.
Бироқ "Барселона" раҳбарияти мадридликларнинг Пауло Дибала билан алоқага чиққанидан хабардор ва уни ўзларига оғдириш йўлини топишди. Каталонияликлар футболчидан "Қироллик клуби" билан шартнома имзолашга шошмасликни сўрашди. "Кўк-анорранглилар" Дибала учун майдонда қулай позиция топишган. Бу жойда футболчи Месси-Суарес-Неймар триоси билан рақобатда бўлмайди.