«Реал» президенти Флорентино Перес жамоа ҳужумчиси Карим Бенземанинг ўйини борасида ўз фикрларини билдириб ўтди.

«Карим – Зидан ва Роналдонинг аралашмаси. У жаҳондаги энг яхши тўққизинчи рақамли футболчи. Ишончим комил, у жамоада қолади. Биз ҳали унинг шартномасини узайтириш ҳақида гаплашмадик.

Агар менга боғлиқ бўлганида, мен уни фаолиятининг охиригача «Реал»да олиб қолган бўлардим. Унинг ўйинидан қониқиш ҳосил қиляпман. Бензема ўзини тутиш борасида ҳам намуна бўла олади.

Бензема ва Мбаппе дуэти? Ҳамма нарса бўлиши мумкин, лекин мен бу ҳақда ҳозир гапиришни истамайман», – деди Перес.