"Рома"нинг 40 ёшли ҳужумчиси Франческо Тотти ўзининг келажаги борасида бир қарорга келди. Унинг шартномаси шу йилнинг ёзида тугайди.

"Кейин нима билан шуғулланишим ҳақида кўп ўйладим. Аниқ биламан, футбол - менинг ҳаётим. Мен ҳамон футболдан завқ олмоқдаман, аммо 5-6 йил бурунгидан камроқ ўйнаётганимдан афсусланяпман. Аммо бош мураббийнинг қарорини ҳурмат қиламан. Агар Хитойга йўл олсам, фаолиятимни давом эттиришим мумкин.

Келажакда нима билан шуғулланишимни ҳал қилдим. Аммо ҳозир буни ошкор қила олмайман, чунки фикрим ўзгариб қолиши мумкин. Мен ўйнашни давом эттиришим мумкин ёки мураббийлик қилишим мумкин, аммо столга ўтирмайман. Мен яхшиси иқтидорларни излайман", - дейди Тотти.