Испания суди «Барселона» ҳужумчиси Лионель Месси устидан чиқариладиган ҳукм санасини маълум қилди.
Солиқларни тўлашдан бўйин товлаганликда айбланаётган футболчи устидан ҳукм 20 апрель куни, Испания чемпионатининг 33-туридан ўрин олган «Реал»га қарши «Эл-Класико» ўйинига уч кун қолганда ўқилади, деб хабар бермоқда AS.
Эслатиб ўтамиз, 2016 йил ёзида Месси 4,1 млн евро миқдорида солиқни тўлашдан бўйин товлаганликда айбланган эди. Энди 29 ёшли футболчига 21 ойлик қамоқ жазоси ёки катта миқдорда жарима хавф солмоқда.
«Реал» — «Барселона» ўйини «Сантьяго Бернабеу» стадионида 23 апрель куни ўтказилади.
