«Реал» раҳбарияти «Барселона» ҳимоячиси Херард Пикени судга беришни ўзига эп кўрмади.
Аввалроқ футболчи «Қироллик клуби»ни ғирромликда айблаган ва клуб қадриятларини тан олмай, ҳеч қачон «Реал»да ишламаслиги ҳақида гапирганди.
«Реал»нинг ҳуқуқий бўлими футболчининг бу гапларини ўрганиб чиқди ва расмий баёнот бермаслик билан бирга судга ҳам мурожаат қилмаслик ҳақида қарор қабул қилди.
«Бу гапларга энг яхши жавоб 23 апрель куни «Эл Класико»да қайтарилади. «Реал» ўзининг ҳақ эканини ҳар доим майдонда исботлаган» - деди клуб вакили Marca хабарида.
