«Real» rahbariyati «Barselona» himoyachisi Xerard Pikeni sudga berishni o‘ziga ep ko‘rmadi.

Avvalroq futbolchi «Qirollik klubi»ni g‘irromlikda ayblagan va klub qadriyatlarini tan olmay, hech qachon «Real»da ishlamasligi haqida gapirgandi.

«Real»ning huquqiy bo‘limi futbolchining bu gaplarini o‘rganib chiqdi va rasmiy bayonot bermaslik bilan birga sudga ham murojaat qilmaslik haqida qaror qabul qildi.

«Bu gaplarga eng yaxshi javob 23 aprel kuni «El Klasiko»da qaytariladi. «Real» o‘zining haq ekanini har doim maydonda isbotlagan» - dedi klub vakili Marca xabarida.