«Реал» ва Португалия терма жамоасининг ҳужумчиси Криштиану Роналдунинг қадрдон ороли Мадейра аэропортига футболчининг номи берилди.

Бугун шу воқеага бағишланган тантанали тадбирлар ўтказилди. Унда футболчининг ўзи ва орол расмийлари иштирок этди. Тадбир давомида футболчига бағишланган ҳайкалнинг очилиш маросими ҳам бўлди.

Telegraph хабарига кўра, тадбирнинг гувоҳи бўлганлар ҳайкалнинг «беўхшов» эканини қайд қилишган. Ҳатто Роналдунинг ўзи ҳам унинг кўринишидан ҳайрон қолган. Ҳозирча бу борада орол расмийларининг фикри маълум қилинмади.