«Real» va Portugaliya terma jamoasining hujumchisi Krishtianu Ronalduning qadrdon oroli Madeyra aeroportiga futbolchining nomi berildi.
Bugun shu voqeaga bag‘ishlangan tantanali tadbirlar o‘tkazildi. Unda futbolchining o‘zi va orol rasmiylari ishtirok etdi. Tadbir davomida futbolchiga bag‘ishlangan haykalning ochilish marosimi ham bo‘ldi.
Telegraph xabariga ko‘ra, tadbirning guvohi bo‘lganlar haykalning «beo‘xshov» ekanini qayd qilishgan. Hatto Ronalduning o‘zi ham uning ko‘rinishidan hayron qolgan. Hozircha bu borada orol rasmiylarining fikri ma’lum qilinmadi.
