Швеция қарши бўлиб ўтган ўртоқлик ўйинида иштирок Криштиану Роналду Португалия терма жамоаси футболкасида 138-ўйинда майдонга тушиб, 71-голни уришга муваффақ бўлди.

Шу тариқа, 32 ёшли футболчи халқаро ўйинлардаги голлари сони бўйича футбол тарихидаги энг яхши тўпурарлар рўйхатида Германия терма жамоаси собиқ футболчиси Мирослава Клозе, Таиланд терма жамоаси собиқ ҳужумчиси Киатисак Сенамуанг ва Саудия Арабистони термаси собиқ форварди Мажид Абдуллага етиб олди ва кучли ўнликка киришга муваффақ бўлди.

Роналдунинг кейинги мўлжали 75та гол урган кувайтлик Башар Абдулланинг натижасини янгилаш бўлади. Шунингдек, Криштиану Бразилия терма жамоаси таркибида 77та голга муаллифлик қилган Пеленинг натижасини ҳам янгилашга ҳаракат қилади.

Рўйхатни эронлик футболчи Али Дайи бошқариб турибди. У Эрон терма жамоаси сафида 149та ўйинда майдонга тушиб, 109та гол урган.

Терма жамоалар сафида кўп гол урган футболчилар рўйхати. Топ-10

1. Али Дайи (Эрон) – 109 гол
2. Ференц Пушкаш (Венгрия) - 84
3. Кунишиге Камамато (Япония) - 80
4. Годфри Читалу (Замбия) - 79
5. Пеле (Бразилия) - 77
6. Башар Абдулла (Кувайт) - 75
7. Шандор Кочиш (Венгрия) - 75
8. Криштиану Роналду (Португалия) - 71
8. Мажид Абдулла (Саудия Арабистони) - 71
8. Мирослав Клозе (Германия) - 71