Осиё футзали тарихида илк марта ўтказиладиган ёшлар (U20) ўртасидаги қитъа чемпионатига бугун қуръа ташлаш маросими бўлиб ўтади. Мусобақа 16-26 май кунлари Таиланд пойтахти Бангкок шаҳридаги ареналарда ўтказилади.

Турнирда жами 21та терма жамоа иштирок этиши режалаштирилган. Улар қуръа натижасида 4та гуруҳга ажратилади. Битта гуруҳда 6та, учта гуруҳда 5тадан жамоа ўрин олади. Гуруҳларда дастлабки 2та ўринни олган термалар чорак финал йўлланмасини қўлга киритади.

Жамоаларни саватчаларга тақсимлашда 2016 йилда Тошкентда бўлиб ўтган Осиё чемпионати натижалари инобатга олинади. Қуръа ташлаш маросими бугун Тошкент вақти билан 13:00да бошланади.

Саватчалар таркиби:
1-саватча: Эрон, Ўзбекистон, Таиланд (мезбон), Вьетнам

2-саватча: Япония, Ироқ, Қирғизистон, Қатар

3-саватча: Хитой, Малайзия, Ливан, Хитой Тайпейи

4-саватча: Тожикистон

5-саватча: Афғонистон, Баҳрайн, Бруней-Доруссалом, Гонконг, Мьянма, Мўғулистон, БАА, Индонезия