Osiyo futzali tarixida ilk marta o‘tkaziladigan yoshlar (U20) o‘rtasidagi qit’a chempionatiga bugun qur’a tashlash marosimi bo‘lib o‘tadi. Musobaqa 16-26 may kunlari Tailand poytaxti Bangkok shahridagi arenalarda o‘tkaziladi.

Turnirda jami 21ta terma jamoa ishtirok etishi rejalashtirilgan. Ular qur’a natijasida 4ta guruhga ajratiladi. Bitta guruhda 6ta, uchta guruhda 5tadan jamoa o‘rin oladi. Guruhlarda dastlabki 2ta o‘rinni olgan termalar chorak final yo‘llanmasini qo‘lga kiritadi.

Jamoalarni savatchalarga taqsimlashda 2016 yilda Toshkentda bo‘lib o‘tgan Osiyo chempionati natijalari inobatga olinadi. Qur’a tashlash marosimi bugun Toshkent vaqti bilan 13:00da boshlanadi.

Savatchalar tarkibi:
1-savatcha: Eron, O‘zbekiston, Tailand (mezbon), Vyetnam

2-savatcha: Yaponiya, Iroq, Qirg‘iziston, Qatar

3-savatcha: Xitoy, Malayziya, Livan, Xitoy Taypeyi

4-savatcha: Tojikiston

5-savatcha: Afg‘oniston, Bahrayn, Bruney-Dorussalom, Gonkong, Myanma, Mo‘g‘uliston, BAA, Indoneziya