"Ювентус" бош мураббийи Массимилиано Аллегри А сериянинг 30-турида "Наполи" билан учрашув ҳақида (1:1) фикр билдирди.

"Ўйин бошида яхши ўйнадик, устунлик қилдик, аммо голдан сўнг "Наполи"га ўйин назоратини бериб қўйдик. Қийинчиликлар бўлишини кутган эдим. Совринларга айнан шундай ўйинлардан, рақиб майдонидаги оғир вазиятлардан сўнг эришилади.

Ўз ўйинчиларимни мақтаган бўлардим, чунки ҳар бир ўйинда устунлик қилиб бўлмайди, айниқса, "Наполи"га қарши. Иккинчи рақамда ўйнаганимизнинг уятли томонларини кўрмаяпман, чунки бизга натижа керак эди. Майдонда кечган воқеаларни назарда тутсак, йигитлар жуда яхши натижа қайд қилишди", - дейди Аллегри.