"Пахтакор" академияси жамоалари икки халқаро турнир совриндорига айланди.   Дилшод Нуралиев бошчилик қилаётган 2002 йилда таваллуд топган тарбияланувчилар Россиянинг Сочи шаҳрида Валентин Бубукин хотирасига бағишланган мусобақада ғолиб чиқишди. Ёш футболчиларимиз турнирда қуйидаги рақибларга тўқнаш келишди:   "Пахтакор" - БЎСМ Химки-1 - 2:0 "Пахтакор" - "Металлург" Липецк - 2:1 "Пахтакор" - БЎСМ Альматевск - 1:0 "Пахтакор" - Виктор Понедельник академияси - 2:0 "Пахтакор" - "Зоркий-1" Красногорск - 2:0   Руслан Розиев турнирнинг энг яхши футболчиси деб топилган бўлса, Шукрон Йўлдошев энг яхши дарвозабонга аталган совринни қабул қилиб олди. Мусобақа иштирокчилари Сочида ўтган Россия ва Бельгия терма жамоалари ўртасидаги ўртоқлик учрашувини стадионда томоша қилиш имкониятига эга бўлишди.   Олма-Отада Дмитрий Ан мураббийлик қилаётган 2003 йил жамоаси учинчи поғонани қўлга киритди. Мусобақада тарбияланувчиларимиз қайд этган натижалар билан танишинг:   "Пахтакор" - "Дордой" - 0:0 "Пахтакор" - "Велвет" - 7:0 "Пахтакор" - "Қайрат" - 0:1 "Пахтакор" - "Зенит" - 1:4 "Пахтакор" - Душанбе академияси - 2:1   Ушбу мусобақада ярим ҳимоячи Аббос Файзуллаев энг яхши футболчи деб топилди.