«Арсенал» ҳужумчиси Алексис Санчес Лондоннинг бошқа жамоаси — «Челси»га ўтишни истамоқда, дея хабар тарқатди The Telegraph.
«Канонирлар» эса ўз етакчиларини асосий рақиб ихтиёрига қўйиб юборишни истамаяпти. "Кўклар" чилилик футболчи истаган маошни беришга тайёр.
Аввалроқ «ПСЖ» Санчеснинг агентлари билан музокарани бошлагани ҳақида хабарлар тарқалганди. «Арсенал» унинг трансферидан камида 50 миллион евро даромад қилмоқчи. Шу билан бирга Венгер уни АПЛнинг бошқа жамоасига сотишни истамаяпти.
Эслатиб ўтамиз, Санчеснинг «Арсенал» билан амалдаги шартномаси 2018 йилнинг ёзига қадар тузилган.