"Алавес"да ижарада ўйнаётган "Атлетико" ҳимоячиси Тео Эрнандес фаолиятини "Реал"да давом эттириши мумкин.
Мадридликлар устози Зинедин Зидан ёзги трансферлар чоғида чап қанот ҳимоячисини қўшиб олишни истамоқда. Франциялик 19 ёшли футболчи Марселога ўринбосар сифатида кўрилмоқда.
"Атлетико"дан рад жавоби олган "Реал" музокараларни яна тикламоқчи ва унинг учун белгиланган 24 миллион евро миқдоридаги товон пулини тўлашга тайёр.
"Атлетико" футболчини қолишга кўндирмоқчи, аммо унинг агенти ўз мижозининг "Реал"га ўтгиси борлигини маълум қилиб бўлди.
Эрнандес примеранинг 24 ўйинида 4 та голга тўп оширган.
