"Манчестер Юнайтед" ҳужумчиси Златан Ибраҳимович агар жамоа чемпионлар лигасига йўл олса яна бир йил Манчестерда қолишга тайёр.
Ибраҳимовичнинг шартномаси 2017 йилнинг ёзигача амал қилади. Аввалроқ унинг MLS клуби - "Лос-Анджелес Гэлакси"га ўтиши ҳақида хабарлар тарқалган эди.
"Мен "МЮ"га чемпионлар лигасисиз ҳам келган эдим. Жамоа қандай бўлса шу ҳолига келган ээдим. У фаворит эмасди, аммо мен ёрдам беришга ва жамоани кучайтириш учун ўтдим. Ўз келажагим борасида саволларга нима дейишимни билмайман. Музокараларни давом эттиряпмиз. Кўрамиз, нима бўлар экан.
Мен энди олдида кўп йиллик фаолият кутиб турган 20 ёшли эмас, 35 ёшдаман. Фаолиятимни тугатишимга икки-уч йил қолгандир. Ҳаммаси менинг ва клубнинг нима хоҳлаётганимизга боғлиқ. Бошиданоқ бу ерга вақт ўтказиш учун эмас, ғалаба қозониш учун келганман", - дейди Ибраҳимович.
