Испания чемпионатининг 30-туридан ўрин олган “Барселона”-“Севилья” учрашувидан олдин каталонияликлар бош мураббийи Луис Энрике ўз фикрлари билан ўртоқлашди.
“Севилья” ҳақида
“Жамоанинг ҳозирги ҳолати ҳеч қандай аҳамиятга эга эмас. Ҳозирда иккала жамоага ўз мақсадларига эришиш учун 3 очко жуда муҳим. Бу мавсум “Севилья” учун эсда қоларли йил бўлиши аниқ. Ҳозирда жамоа қийин кунларни бўшидан ўтказаётган бўлсада, бу клуб барибир ҳам кучли рақиб бўлиб қолаверади. Шуни ҳам унитмаслигимиз керакки, бу клуб Чемпионлар лигасининг чорак финалига ҳам чиқиши мумкин эди”.
Мухлислар ҳақида
“Мен “Камп Ноу”да мухлислар ёрдамига умид қилмоқдаман. Уларнинг қўллаб қувватлашлари бизнинг ғалабамизда муҳим омил бўлиши аниқ”.
Андрес Иньеста ҳақида
“У тез-тез жароҳат олмоқда. Лекин ҳозирда у машғулотларга яхши спорт формасида қайтди ва ажойиб ўйин намойиш этмоқда. Бундай футболчи таркибда борлиги – бу ҳақиқий омад”.
Луис Суареснинг ақлли ўйин кўрсатиши ҳақида
“У чиндан ҳам жуда кўп меҳнат қилмоқда. Гап фақат голларда эмас. Биз ундан “Барселона” ўйинига мослашганлиги учун миннатдор бўлишимиз керак. Гап унинг майдонда нима қилаётганида эмас, у бунга қандай меҳнат билан эришаётганида”.
Рафинянинг жароҳати ҳақида
“Биз икки ҳафтадан сўнг унинг тикланиш жараёни ҳақида етарлича ҳабарга эга бўлишимиз мумкин”.
Лионел Месси ҳақида
“Биз ҳар доим футболчиларни майдонда қанча вақт давомида ҳаракат қилишига эътибор бериб келганмиз. Месси ўтган турни сариқ карточкалар кўпайиб кетгани сабаб ўтказиб юборди. Лекин у машғулотда қолганлар билан тенгма тенг ишлади. Келинг бу танаффусга яхши томондан назар ташласак. Биз барчамиз Мессини майдонда кўришни истаймиз ва яқинда уни ўша ерда кўрамиз ҳам”.
“Наполи” – “Ювентус” учрашуви ҳақида
”Мен учрашувдан парчаларни кўриб чиқдим. Мен уларнинг манзили томон айтилаётган айбловларни тушинмайман. “Ювентус” асосан тўпсиз ҳаракат қилишга мажбур бўлди, лекин “кекса сениора” – бу жуда кучли рақиб ва у тўп билан ҳам, тўпсиз ҳам яхши ўйнай олади”
Эслатиб ўтамиз, "Барселона" - "Севилья" учрашуви бугун Тошкент вақти билан соат 22:30да бошланади.
