Ispaniya chempionatining 30-turidan o‘rin olgan “Barselona”-“Sevilya” uchrashuvidan oldin kataloniyaliklar bosh murabbiyi Luis Enrike o‘z fikrlari bilan o‘rtoqlashdi.
“Sevilya” haqida
“Jamoaning hozirgi holati hech qanday ahamiyatga ega emas. Hozirda ikkala jamoaga o‘z maqsadlariga erishish uchun 3 ochko juda muhim. Bu mavsum “Sevilya” uchun esda qolarli yil bo‘lishi aniq. Hozirda jamoa qiyin kunlarni bo‘shidan o‘tkazayotgan bo‘lsada, bu klub baribir ham kuchli raqib bo‘lib qolaveradi. Shuni ham unitmasligimiz kerakki, bu klub Chempionlar ligasining chorak finaliga ham chiqishi mumkin edi”.
Muxlislar haqida
“Men “Kamp Nou”da muxlislar yordamiga umid qilmoqdaman. Ularning qo‘llab quvvatlashlari bizning g‘alabamizda muhim omil bo‘lishi aniq”.
Andres Inyesta haqida
“U tez-tez jarohat olmoqda. Lekin hozirda u mashg‘ulotlarga yaxshi sport formasida qaytdi va ajoyib o‘yin namoyish etmoqda. Bunday futbolchi tarkibda borligi – bu haqiqiy omad”.
Luis Suaresning aqlli o‘yin ko‘rsatishi haqida
“U chindan ham juda ko‘p mehnat qilmoqda. Gap faqat gollarda emas. Biz undan “Barselona” o‘yiniga moslashganligi uchun minnatdor bo‘lishimiz kerak. Gap uning maydonda nima qilayotganida emas, u bunga qanday mehnat bilan erishayotganida”.
Rafinyaning jarohati haqida
“Biz ikki haftadan so‘ng uning tiklanish jarayoni haqida yetarlicha habarga ega bo‘lishimiz mumkin”.
Lionel Messi haqida
“Biz har doim futbolchilarni maydonda qancha vaqt davomida harakat qilishiga e’tibor berib kelganmiz. Messi o‘tgan turni sariq kartochkalar ko‘payib ketgani sabab o‘tkazib yubordi. Lekin u mashg‘ulotda qolganlar bilan tengma teng ishladi. Keling bu tanaffusga yaxshi tomondan nazar tashlasak. Biz barchamiz Messini maydonda ko‘rishni istaymiz va yaqinda uni o‘sha yerda ko‘ramiz ham”.
“Napoli” – “Yuventus” uchrashuvi haqida
”Men uchrashuvdan parchalarni ko‘rib chiqdim. Men ularning manzili tomon aytilayotgan ayblovlarni tushinmayman. “Yuventus” asosan to‘psiz harakat qilishga majbur bo‘ldi, lekin “keksa seniora” – bu juda kuchli raqib va u to‘p bilan ham, to‘psiz ham yaxshi o‘ynay oladi”
Eslatib o‘tamiz, "Barselona" - "Sevilya" uchrashuvi bugun Toshkent vaqti bilan soat 22:30da boshlanadi.
