“Севинч” жамоаси футболчилари бугун Қарши шаҳридаги ўз қароргоҳида йиғилди ва машғулотларга киришди.

“Севинч” ўтган мавсумнинг чемпиони ва кубок соҳиби бўлган. Бекободнинг “Металург W” жамоаси кумуш медал соҳибидир. Ушбу иккала жамоа ўртасида Ўзбекистон Суперкубоги учрашуви бўлиб ўтади. Ўйин 17 апрел душанба куни Тошкент шаҳридаги “ЖАР” стадионида соат 14:00да бошланади.

"Севинч"нинг беш нафар футболчиси айни кунларда терма жамоа сафида бўлиб турибди. Шу кунларда Шимолий Кореянинг Пхеньян шаҳрида Осиё кубоги-2018 саралаш босқичида терма жамоамиз ҳам муваффақиятли иштирок этмоқда. Терма жамоа сафига жалб этилган футболчилар 14 апрел кунидан сафимизга қўшилишади.