Аргентина футболи афсоналаридан бири Габриэл Батистута ҳужумчи Гонсало Игуаинни терма жамоага керак эмас деб ҳисобламоқда.
«9-рақамда ўйнайдиган футболчи гол уриши керак. Гонсало менга ёқади, аммо у терма жамоада ўз клубидаги каби яхши ўйин намойиш этолмаяпти.
Игуаин «Ювентус»да зўр ўйнамоқда, гол уриб, совринлар учун курашмоқда. Энди унга дам бериб, Икардини чақирган маъқулмасми? Ахир бу терма жамоаку, унга муносибларни чақирилмаслиги мумкин эмас» - деди Батистута TyC Sports хабарида.
Игуаин Аргентина сафида 68 ўйинда 31 гол урган. Батистута - 78 ўйинда 56 гол.
