"Бухоро" - "Нефтчи" (3:0) ўйинидан сўнг, мезбонлар устози Улуғбек Бақоев ўз фикрларини билдирди.

"Бугунги баҳсга ўта жиддий тарзда ҳозирлик кўрдик. Футболчиларимиз барча кўрсатмаларни хатосиз бажаришди шу сабабли уларга раҳмат айтаман. Нагаевнинг кичик жароҳати бор эди ва шу учун уни вақтлироқ алмаштиришга қарор қилдим.

Бугун учрашувга ким 100 фоиз тайер бўлса уларни қайдномага киритдик, мен учун футболчининг ёши унча катта аҳамиятга эга эмас.

Филипосян жароҳатидан 70 фоизга фориғ бўлди, маълум муддатдан сўнг унинг сафга қайтишига умид қиламан", - дейди Бақоев.