Германиялик ультрамарафончи Кай Маркус Гамбургдан Хитойга қадар бўлган масофани югуриб ўтади.
Маркус 12 март куни йўлга чиқди, 235 кундан сўнг 14 минг 491 километр масофани босиб ўтгач, 3 ноябрда Шанхайга етиб бориши режалаштирилган. Бугун, 10 апрель куни у Россияда бўлади.
Россиянинг Брянск вилоятига бориб, у ердан Орёл, Волгоград ва Астрахандан Қозоғистонга югуриб ўтади. Кейин эса Қирғизистон ва Ўзбекистон орқали Хитойга йўл олади. Маркуснинг йўналиши Буюк ипак йўлидан кетмоқда.
Маълумот ўрнида, Кай Маркус 1972 йилда Баварияда туғилган. У болалигидан сузиш, чанғида учиш каби спорт турлари билан шуғулланган. Мазкур лойиҳанинг умумий қиймати 300 минг еврони ташкил қилади.
