"Реал"нинг етти нафар футболчиси жамоа ҳужумчиси Криштиану Роналдунинг бошланғич таркибда ўйнашига қарши чиқди. Бу ҳақда Don Balon нашри хабар тарқатди.
Манбага кўра, футболчилар — Гарет Бэйл, Тони Кроос, Лука Модрич, Альваро Мората, Марко Асенсио, Матео Ковачич ва Лукас Васкес клуб бош мураббийи Зайниддин Зидан билан учрашиб, ушбу масалани муҳокама қилишган. Уларнинг фикрича, португалиялик футболчи ўйинида пасайиш юзага келаётган бўлса-да, у ҳаддан ташқари кўп имтиёзларга эга бўлмоқда.
Роналду ушбу мавсумда Ла лига доирасида 24та ўйинда майдонга тушиб, 19та гол уришга муваффақ бўлди. Мадридликлар мусобақа жадвалида пешқадамлик қилишмоқда.