Англия футбол лигаси (EFL ) "Рединг" клубини премьер-лигада қатнашишига йўл қўймаслиги мумкин.
"Рединг" ҳозирда Чемпионшипда ўтиш ўйинларига йўлланма берувчи 4-ўринда бормоқда.
The Telegraph хабарига кўра, "Рединг" раҳбарияти жамоани Дай Йонг ва унинг синглиси Дай Сю Ли бошлиқ хитойлик инвесторларга сотиш бўйича музокара олиб бормоқда. Ака-сингиллар 2016 йилда "Халл Сити"ни сотиб олишга уринган эдилар, аммо муваффаққиятсизликка учраган эдилар
Бу сафар лига клубнинг хўжайин алмаштиришига рози бўлди, аммо EFL келишувнинг ошкора эмаслигидан хавфсирамоқда. Агар "Рединг" лига рухсатисиз сотиладиган бўлса, унинг АПЛга чиқиш ҳтимоли камаяди. Лига молиявий кафолат олиши кераклиги айтилмоқда.
Манбада айтилишича, премьер-лигага йўл олиш "Рединг"га деярли 200 млн фунт даромад келтиради.
