«Локомотив» яримҳимоячиси Жалолиддин Машарипов ОЧЛ гуруҳ босқичидан ўрин олган «Истиқлол» (1:1) клубига қарши ўйиндан сўнг, қисқа интервью берди.
«Ўйинни яхши бошлагандик. Мақсадимиз - уйда ғалаба қозониш эди. Биринчи бўлимда гол уриб, вазифани деярли уддаладик. Аммо иккинчи бўлимда рақиб ташаббусни тортиб олди. Кичик хатолар бизга қимматга тушиб, ғалабадан маҳрум бўлдик.
Кападзе билан жуфтлик ҳосил қилганим менга жуда қўл келмоқда. Тимур тажрибали футболчи, у машғулотларда, ўйин давомида бизга ўгит беради, маслаҳатини аямайди» - деди Машарипов.
