«Атлетико» бош мураббийи Диего Симеоне Чемпионлар лигасидан ўрин олган «Лестер» клубига қарши ўйиндан олдин ўз фикрларини айтди.
«Биз якдил жамоамиз ва барча мусобақаларда кураш олиб бормоқдамиз. Ўз футболчиларимизнинг имкониятларидан келиб чиққан ҳолда ўйин услубимизни шакллантиряпмиз.
«Лестер» бизга тўпни бериб қўймаса керак. Улар тезкор ва юқори босим билан ўйнашни маъқул кўради. Вардининг тезлигига умид қилади. «Лестер» ўз футболчиларининг маҳоратини оширишга ҳаракат қилади, мана шу туфайли Европада юқори чўққиларга чиқмоқда.
Биринчи ўйиндан сўнг кимдир ҳисобда жиддий фарқ билан олдинга чиқиб олмаса керак. Бизни қийин ўйин кутмоқда ва ҳаммаси жавоб учрашувида ҳал бўлади» - деди Симеоне УЕФА сайти хабарида.
