«Atletiko» bosh murabbiyi Diyego Simeone Chempionlar ligasidan o‘rin olgan «Lester» klubiga qarshi o‘yindan oldin o‘z fikrlarini aytdi.

«Biz yakdil jamoamiz va barcha musobaqalarda kurash olib bormoqdamiz. O‘z futbolchilarimizning imkoniyatlaridan kelib chiqqan holda o‘yin uslubimizni shakllantiryapmiz.

«Lester» bizga to‘pni berib qo‘ymasa kerak. Ular tezkor va yuqori bosim bilan o‘ynashni ma’qul ko‘radi. Vardining tezligiga umid qiladi. «Lester» o‘z futbolchilarining mahoratini oshirishga harakat qiladi, mana shu tufayli Yevropada yuqori cho‘qqilarga chiqmoqda.

Birinchi o‘yindan so‘ng kimdir hisobda jiddiy farq bilan oldinga chiqib olmasa kerak. Bizni qiyin o‘yin kutmoqda va hammasi javob uchrashuvida hal bo‘ladi» - dedi Simeone UYEFA sayti xabarida.