«Севилья» президенти Хосе Кастро Кармона бош мураббий Хорхе Сампаоли билан боғлиқ вазиятга изоҳ берди.
«Сампаоли билан гаплашиб олдим. У «Севилья»дан мамнун, биз ҳам ундан мамнунмиз. Энди мавсумни юқори ўринларда якунлашимиз керак.
Матбуотдаги гаплардан хавотирда эмасман. Сампаолига жуда кўп жамоалар таклиф жўнатмоқда. Аммо Аргентина футбол федерацияси билан расмий музокаралар ўтказилмади» - деди Кастро Football Espana хабарида.
Аввалроқ, Сампаоли Аргентина терма жамоасини бошқариши, «Севилья»га эса 1,5 млн евро товон пулини тўлаши ҳақида хабарлар чиққан эди.
