«Боруссия» Д бош мураббийи Томас Тухель Чемпионлар лигасидан ўрин олган «Монако»га қарши ўйиннинг бир кун кейинга сурилганидан норози бўлди.
«Жамоада бўлиб ўтган воқеадан бир зумда ўзига келган футболчилар бор. Аммо ўзига келолмай, ҳаяжонда бўлганлар ҳам бор. Ҳис-туйғулар аралашиб кетди. Биз юз берган воқеадан ўзимизга келиб олишимиз учун кўпроқ вақтга эга бўлишни истагандик. Аммо Швейцарияда ўтирган кимдир ўйинни бугунга белгилади. Бу адолатдан эмас. Аммо жамоамиз кучли профессионаллардан иборат» - деди Тухель Deutsche Welle хабарида.
Эслатиб ўтамиз, «Боруссия» Д автобуси олдида юз берган портлаш туфайли, «Монако»га қарши ўйин бир кун кейинга сурилганди.
