Ўзбекистон Миллий Паралимпия Ассоциацияси жорий йилнинг 12 апрель куни стол тенниси бўйича юртимизнинг таниқли эстрада ва кино юлдузлари ўртасида “Паралимпия Кубоги” мусобақасини ўтказди.

Мазкур мусобақада 50 га яқин санъаткорлар хамда Рио- 2016 XV ёзги Паралимпия ўйинлари ғолиб ва совриндорлари иштирок этдилар. Иштирокчиларни қўллаб-қувватлаш мақсадида тадбирда элимиз суйган санъаткорлар ўзларининг чиқишлари билан барчани кўнглини хушнуд этдилар.

Тадбир cўнгида ғолиб бўлган иштирокчига Ассоциация томонидан Паралимпия Кубоги, совриндорларга эса эсдалик совғалари топширилди.