"Гуанчжоу Эвергранд" ва Бразилия терма жамоаси яримҳимоячиси Паулиньо Хитойдан депортация қилиниши мумкин.
28 ёшли футболчи букмекерлик компаниясининг реклама фотосессиясида япониялик беҳаё фильмлар актрисаси Цукаса Ао билан иштирок этганликда айбланди. Хитойда беҳаё фильмлар ва букмекерлар ман этилган.
Футболчининг вакили айтишича, суратга олиш ишлари ўтган йилнинг ноябрида бўлиб ўтган, ўшанда унга Цукаса Аонинг оддий модель эканини айтишган.
Унинг сўзларига қараганда, футболчи ҳеч қандай жиноят қилмаган ва депортация унга хавф солмайди.
