"Милан" клубининг янги хўжайини Ли Йонхонг клубни Сильвио Берлусконидан сотиб олганига шарҳ берди.
"Мен Берлускони ва унинг Fininvest компаниясига ишонч учун, шунингдек, жамоанинг бутун дунёдаги мухлисларига сабрлари учун миннатдорчилик билдираман.
"Милан" – бутун дунёга машҳур ва энг шонли тарихга эга клуб. Биз унинг қайта туғилишига биринчи қадамни қўйдик.
Ваъда берамизки, қадамма қадам бу афсонавий клубни дунё футболи чўққисига қайтарамиз", - дейди Йонхонг.
Маълум қилинишича, келишув 740 миллион еврога баҳоланган.
Берлускони "Милан"ни 31 йил бошқарди. Бу давр ичида клуб Италия ва Европада 29 та совринга эришган.
