"Milan" klubining yangi xo‘jayini Li Yonxong klubni Silvio Berluskonidan sotib olganiga sharh berdi.
"Men Berluskoni va uning Fininvest kompaniyasiga ishonch uchun, shuningdek, jamoaning butun dunyodagi muxlislariga sabrlari uchun minnatdorchilik bildiraman.
"Milan" – butun dunyoga mashhur va eng shonli tarixga ega klub. Biz uning qayta tug‘ilishiga birinchi qadamni qo‘ydik.
Va’da beramizki, qadamma qadam bu afsonaviy klubni dunyo futboli cho‘qqisiga qaytaramiz", - deydi Yonxong.
Ma’lum qilinishicha, kelishuv 740 million yevroga baholangan.
Berluskoni "Milan"ni 31 yil boshqardi. Bu davr ichida klub Italiya va Yevropada 29 ta sovringa erishgan.
