«Ливерпуль» бош мураббийи Юрген Клопп хабар беришича, мерсисайдликлар афсонаси Стивен Жеррард клуб ёшлар жамоаси бош мураббийи этиб тайинланади.
«Ҳозирча бу ҳақда расмий маълумот бера олмайман, лекин... ҳа, катта эҳтимол билан шундай бўлса керак. Ҳозир у клуб академиясидаги ишига киришиб кетди ва академияга катта фойда келтиряпти. Бу унга ёқмоқда.
Ҳа, Жеррард келаси мавсумда ёшлар жамоамиз мураббийига айланади. Аммо айнан қайси жамоа мураббийига — буни вақти келганда айтамиз», — деди Клопп.