Европа лигасининг чоракфиналидан ўрин олган «Лион» - «Бешиктош» ўйини номаълум вақтга кечиктирилган эди.
Гап шундаки, «Люмьер» стадионига йиғилган туркиялик мухлислар майдонга югуриб чиқиб, тартибсизликларни юзага келтиришди. Уларни орқага қайтармоқчи бўлган стюардлар билан муштлашиб кетишди. Бундан ташқари майдонга турли буюмлар ва файерларни улоқтиришди. Натижада ўйиннинг бошланиш вақти номаълум муддатга кечиктирилди.
Шундан сўнг, «Лион» президенти Жан-Мишель Оляс тартибсизлик уюштирган мухлислар орасига кириб, уларни тинчлантиришга муваффақ бўлди. Тахминан 1 соатдан сўнг, мухлислар майдонни тарк этгач ўйин бошланди.
