Италия чемпионатининг 32-туридан ўрин олган «Интер» - «Милан» ўйинида рекорд ўрнатилиши кутилмоқда.
Football Italia хабарига кўра, 15 апрель куни соат 15-30да бошланадиган ўйинни бутун дунё бўйича 862 млн киши ТВ орқали томоша қилади.
Осиёдаги мухлисларга қулайлик туғдирилиши учун ўйин эртароқ вақтга белгиланган. Бу эса Хитой ва узоқ Шарқ мамлакатлари телеаудиториясининг кўп бўлишини таъминлайди.
Сан-Сиро стадионида ўтадиган ўйинда чипталардан тушадиган даромад бўйича ҳам рекорд ўрнатилиши кутилмоқда. Айни пайтда барча чипталар сотиб бўлинган ва клубларнинг жами даромади 4 млн еврога тенг бўлади.
