«Севилья» бош мураббийи Хорхе Сампаоли Аргентина терма жамоасини бошқаришга рози бўлганини инкор қилди.
«Бу ҳақда бирор нарса деёлмайман. Аргентинани бошқараман деб айтмаганман. Бу ҳақда гапириш учун музокара ўтказиш керак. Аммо ҳеч ким билан учрашмадим.
Мени «Барселона», Голландия терма жамоаси, «Арсенал» ва бошқа бир қатор клубларга «ишга жўнатишган». Агар нимадир юз берса, биринчи бўлиб сизларни хабардор қиламан» - деди Сампаоли Sport.es хабарида.