“Манчестер Юнайтед” жамоаси бош мураббийи Жозе Моуриньо “Андерлехт”га қарши учрашувда тайёр ғалабани қўлдан чиқарган шогирдларини танқид остига олди.  

“Бундай кечадиган ўйинларни тезда ўз томонингга оғдира олмасанг имкониятни қўлдан чиқарган бўласан. Ўйин давомида гол уриш учун бир нечта вазиятларни кўкга совурдик.

Бундан ташқари  жуда кўп хатога йўл қўйдик, рақибнинг бир ҳаракати билан дарвозамиздан гол ўтказиб юбордлик.

Жиддийроқ ўйнаш керак эди, ўйин тақдирини ҳал қила олмаган футболчилар ҳаракатидан норозиман.

Рэшфорд, Лингард, Ибрагимович, Марсьяль буларнинг ҳаммаси шунчаки оддий услубда ўйнашди, футболчи дегани майдонга тушгандан сўнг жамоага фойда олиб келишни ўйлаши шарт”, - дейди Моуриньо.