"Барселона" бош мураббийи Луис Энрике ЕЧЛ чорак финалининг биринчи учрашувида "Ювентус"дан учралган мағлубиятни (0:3) таҳлил қилди.

"Мухлисларга маслаҳатим - ҳуштакбозликни мавсум охирига олиб қўйинг. Ҳуштагингиз мени издан чиқармасада, ўйинчиларга ёмон таъсир қилиши мумкин. Мухлислар уларни қўллаб-қувватлашларини истайман.

Менда қийин давр бошланди деган фикрдан йироқман. Мен ҳаммасига кўникиб кетганман. Ўз тактикамга ҳеч қачон шубҳа қилмаганман. Туринда биронта ҳам техник хатога йўл қўймадим. У ерда кўп нарсани омад ҳал қилди. Омад кулиб боқмаса, ҳамма ёмон тугайди.

Бизда вазиятлар кўп бўлди, аммо гол ура олмадик ва рақиб ҳам хатоларимиздан жуда яхши фойдаланди. "Ювентус" бир учрашувда кўп гол ўтказиб юбормайди, аммо "Наполи" билан ўйинини унутманг. Таваккал қиламиз, аммо ақл ҳушимиз даражасида. Биз "ПСЖ" билан ўйиндагидан кўра битта камроқ гол уришимиз керак", - дейди Энрике.