«Милан» ҳимоячиси Кристиан Сапата «Интер»га (2:2) қарши ўйиндан сўнг ўз фикрларини айтди.

Колумбиялик футболчи сўнгги сонияларда гол уриб, жамоасини мағлубиятдан қутқариб қолганди.

«Қўлимдан келган барча ишни қилдим ва сўнгги сонияларда тўпни дарвозага йўллашга улгурдим.

Дерби жуда самарали ўтди. Ҳар иккала жамоа яхши ўйнади. Дуранг – адолатли натижа бўлди.

Биз таслим бўлмадик ва охиригача курашдик. Йигитлар «Милан» шаънини ҳимоя қилишди. Жамоа тўғри йўлдан бормоқда.

Еврокубокларга йўл олишимиз мумкин. Бугунги ўйин шуни кўрсатиб берди» - деди Сапата.